రాయికల్ పట్టణంలో చాకలి ఐలమ్మ జయంతి సందర్భంగా ఐలమ్మ విగ్రహానికి
పూలమాలలు వేసి నివాళులర్పించిన మున్సిపల్ ఛైర్మన్ మోర హనుమాండ్లు.అనంతరం ఛైర్మన్ మాట్లాడుతూ తెలంగాణ అమర వీరులకు జోహార్లు తెలుపుతూ తెలంగాణ ప్రభుత్వం చిట్యాల ఐలమ్మ (చాకలి ఐలమ్మ) పాఠ్యాంశాన్ని ఐదో తరగతి తెలుగు వాచకంలో పొందుప రిచిందని,ఈ పాఠం రాబోయే తరాలకు స్ఫూర్తిని ఇస్తుందని, అలాగే తెలంగాణ సాయుధ రైతాంగ పోరాట యోధురాలు, తెలంగాణ వీరనారి చాకలి ఐలమ్మ జయంతి, వర్దంతి లను ప్రభుత్వం అధికారికంగా నిర్వహించడం ఆనందదాయకం అని,తమ హక్కుల కోసం కొట్లాడే వారికి ఐలమ్మ స్ఫూర్తిదాయకం అని తెలిపారు.ఈ కార్యక్రమంలో మున్సిపల్ వైస్ ఛైర్మన్ గండ్ర రమాదేవి,వార్డు కౌన్సిలర్లు తురగ శ్రీధర్ రెడ్డి,మహేష్ గౌడ్ మరియు రాకేష్ నాయక్, భూమయ్య, రాజు తదితరులు పాల్గొన్నారు.
