A place where you need to follow for what happening in world cup

కొల్లాపూర్ సభ నిర్వహణపై మొయినాబాద్ రిసార్ట్ లో కాంగ్రెస్ నేతల భేటీ!

0 15,600
  • ఇటీవల ఖమ్మంలో కాంగ్రెస్ సభ గ్రాండ్ సక్సెస్
  • తెలంగాణ కాంగ్రెస్ శ్రేణుల్లో కొత్త ఉత్సాహం
  • ఈ నెల 20 తర్వాత కొల్లాపూర్ సభ
  • కాంగ్రెస్ తీర్థం పుచ్చుకోనున్న జూపల్లి కృష్ణారావు
  • కొల్లాపూర్ సభకు ప్రియాంక గాంధీ వస్తారని ప్రచారం!

ఇటీవల ఖమ్మంలో రాహుల్ గాంధీ సభ ఊహించిన దానికంటే విజయవంతం కావడంతో తెలంగాణ కాంగ్రెస్ శ్రేణుల్లో ఉత్సాహం తొణికిసలాడుతోంది. ఇప్పుడు కాంగ్రెస్ నేతల దృష్టి కొల్లాపూర్ సభపై కేంద్రీకృతమై ఉంది. ఈ సభను తెలంగాణ కాంగ్రెస్ నేతలు ప్రతిష్ఠాత్మకంగా తీసుకున్నారు. ఈ సభలోనూ కాంగ్రెస్ పార్టీలోకి భారీగా చేరికలు ఉంటాయన్న నేపథ్యంలో, ఈ సభకు ప్రాధాన్యత ఏర్పడింది.

తాజాగా, కొల్లాపూర్ సభ నిర్వహణపై కాంగ్రెస్ నేతలు నేడు మొయినాబాద్ లోని ఓ రిసార్ట్ లో సమావేశమయ్యారు. సీనియర్ నేత మల్లు రవి నేతృత్వంలో ఈ సమావేశం జరిగింది. ఈ సమావేశంలో జూపల్లి కృష్ణారావు, ఎమ్మెల్సీ దామోదర్ రెడ్డి, వంశీచంద్ రెడ్డి, గురునాథ్ రెడ్డి, వంశీకృష్ణ తదితరులు పాల్గొన్నారు. జులై 20 తర్వాత కొల్లాపూర్ లో కాంగ్రెస్ సభ నిర్వహించనుంది. ఈ సభను భారీ స్థాయిలో నిర్వహించడంపై నేటి సమావేశంలో చర్చించినట్టు సమాచారం.

కాగా, కొల్లాపూర్ సభకు కాంగ్రెస్ పార్టీ జాతీయ ప్రధాన కార్యదర్శి ప్రియాంక గాంధీ వాద్రా రానున్నట్టు తెలుస్తోంది. ఈ నేపథ్యంలో కొల్లాపూర్ సభను కూడా గ్రాండ్ సక్సెస్ చేయాలని తెలంగాణ కాంగ్రెస్ నేతలు కృతనిశ్చయంతో ఉన్నారు.

Leave A Reply

Your email address will not be published.