‘‘ఆకాశాన్ని, ఈ భూమిలోని వెచ్చదనాన్ని మీరెలా కొనగలరు? అమ్మగలరు? ఈ ఆలోచనే కొత్తగా ఉంది. గాలి లోని స్వచ్ఛత, నీటి లోని మెరుపును మేము స్వంతం చేసుకోలేదు. మరెలా వాటిని కొనగలరు? మా ప్రజలకు ఇక్కడ ప్రతి ఒక్కటి ఎంతో పవిత్రమైనది. సూది బెజ్జమంత స్థలమైనా, ప్రతి తీరం, పొగమంచు, కీకారణ్యాలు, రొదచేసే కీటకాలు, మా ప్రజల జ్ఞాపకాల్లో, అనుభవాల్లో పవిత్రమైనవి. గాలి మాకు పవిత్రమని మీరు గుర్తుంచుకోవాలి. గాలి ప్రాణాధారమైన శక్తిని పంచుతుంది. మా తాత గారు పుట్టిన వెంటనే మొదటి సారి పీల్చిన గాలి, చివరి క్షణంలో తీసుకున్న ఊపిరి..మీరు పవిత్రంగా భావించ గలరా? ఈ పచ్చని మైదానాల్లో తెల్లవాడు సైతం గాలిలోని పరిమళాన్నిఆస్వాదించగలడు’’
***
"సియోటెల్ నాయకుడు 1854 లో అమెరికా అధ్యక్షుడికి రాసిన లేఖ నుంచి"